Казакстандын Премьер-министри Олжас Бектенов ЭКСПО павильонуна барып, Astana Hub технопаркынын санариптик инфраструктурасын көрүп чыкты, ошондой эле стартап долбоорлор менен таанышты.

«Президент экономиканы санариптештирүүнү активдештирүү жана жасалма интеллект технологияларын кеңири колдонууну камсыздоо милдетин так белгиледи. 2026-жылга чейин IT кызматтарынын жана продукцияларынын жылдык экспортунун көлөмүн 1 миллиард доллардан кем эмес камсыз кылуу максаты коюлган. Бүгүнкү күндө бул көрсөткүч 529 миллион долларды түзөт. Ата мекендик IT адистери эң мыктылардын катарына кирет жана биз аларга жаңы серпилген продукцияларды түзүүгө жана IT-чечимдерди экспорттоону тездетүүгө мындан ары да жардам беришибиз керек”, — деп белгиледи Олжас Бектенов.

Өлкөдө мамлекет башчысынын демилгеси менен 2025-жылга чейин 20 миң IT адисти даярдоо боюнча «Тех Орда» программасы ишке ашырылууда. 15 миңден ашык студент окуудан өтүштү, 2 миң стартап долбоорлор ишке киргизилди.

Бүгүнкү күндө Astana Hubда 1400 IT-компания иштейт, алар былтыр 400 миллиард теңге киреше алышкан.