Казакстан Республикасынын Тышкы иштер министрлиги Иран менен Израилдин ортосундагы акыркы мезгилде кескин курчуп кеткен чыңалууга терең тынчсыздануусун билдирип, сабырдуулукка жана пикир келишпестиктерди саясий жана дипломатиялык жол менен чечүүгө чакырды.

«Казакстан дүйнө коомчулугунун аймактагы кырдаалды турукташтырууга жана коопсуздукту камсыздоого багытталган аракеттерин бекем колдой турганын дагы бир жолу баса белгиледи», — деп айтылат Казакстан Республикасынын Тышкы иштер министрлигинин расмий билдирүүсүндө.