Казакстандын юстиция министринин орун басары Ботагөз Жакселекова учурда өлкөдө жети саясий партия иштеп жатканын билдирди. Бирок 2024-жылы дагы экөөнү каттоодон баш тартышкан.

Учурда каттоодон өткөн партиялардын арасында “Аманат”, “Ак жол”, Казакстан элдик партиясы, “Ауыл”, ЖСДП Республика жана “Байтак жашыл партиясы» бар. Быйыл “Ынтымак” партиясын да каттоодон өткөрүү сунушталган, бирок ал дагы эле каттоо стадиясында.

Вице-министрдин билдирүүсүнө караганда, учурда Юстиция министрлигине саясий партиялардан эч кандай кароодо турган арыздар түшө элек. Бирок 2024-жылдын башында саясий партия түзүү боюнча үч билдирүү түшкөн. Алардын ичинен «Ынтымак» партиясына тиешелүү бирөө колдоо тапса, калган экөө — «Алга Казакстан» жана «Халык дербестиги» — документтер толук эмес болгондуктан, четке кагылды.

Мындай чечимдер ведомство тарабынан кылдаттык менен каралып чыккандан кийин кабыл алынган, деп баса белгиледи вице-министр Ботагөз Жакселекова.