Казакстандын премьер-министри Олжас Бектенов Экибастуз Жылуулук электр борборун модернизациялоого өкмөттүн резервинен каражат бөлүү тууралуу токтомго кол койду. Станция иштеп чыгарган электр жана жылуулук энергиясы Экибастуздун керектөөлөрүн жабууга жумшалат.
Жалпысынан Павлодар облусунун бюджетине Экибастуз ЖЭБинин беш от казанында оңдоо иштерин жүргүзүүгө жана тазаланган суу түтүгүн курууга 3,4 миллиард теңге бөлүү пландаштырылууда.
2023-жылы 5 ысык суу казандары жана жылуулук тармактары оңдолуп, анын аркасында республика боюнча жылытуу мезгили олуттуу окуяларсыз өттү.
Жалпысынан Кентау, Риддер жана Кызылорда шаарларынын жылуулук булактарын оңдоого Өкмөт тарабынан 16 миллиард теңге, Риддердин жылуулук системаларын капиталдык оңдоого 2,4 миллиард теңгеден ашык жана Көкшетау шаарындагы отканаларды оңдоого 816 миллион теңге бөлүнгөн.
Буга чейин, 2024-жылдын март айында Олжас Бектенов Павлодар, Экибастуз жана Аксуу шаарларынын инженердик инфраструктурасын андан ары модернизациялоону улантуу зарылдыгын белгилеген.
Сүрөт: Казакстан Республикасынын Премьер-министринин расмий маалымат ресурсу