Казакстан Республикасынын вице-премьер-министри Канат Бозумбаев жооптуу мамлекеттик органдарга селдин кесепетинен жоголгон же бузулган негизги мүлктүн ордун толтуруу алгоритмин иштеп чыгууну тапшырды. Бул буйрукту аткарууга К.Бозумбаев эки күн мөөнөт берди.
Өкмөт башчынын орун басары ошондой эле селден жапа чеккен айдоо жерлердин ээлерине жана айыл чарба өндүрүүчүлөрүнө каржылык колдоо көрсөтүүнүн алгоритмин иштеп чыгууну тапшырды.
Компенсацияларды төлөө жергиликтүү аткаруу органдары тарабынан бюджеттик жана бюджеттен тышкаркы каражаттардын эсебинен жүзөгө ашырылат.
Буга чейин республиканын Өкмөтү мамлекет тарабынан кандай жардам көрсөтүүгө боло тургандыгы тууралуу Меморандум жарыялаган.
Сүрөт: Казакстан Республикасынын Премьер-министринин расмий маалымат булагы