Касым-Жомарт Токаев Дүйнөлүк соода уюмунун (ДСУ) башкы директору Нгози Оконжо-Ивеала менен жолугушуп, соода-экономикалык кызматташтыкты өнүктүрүүнүн келечегин талкуулады.
«Учурдан пайдаланып, сиздердин тыгыз кызматташып жатканыңыздар үчүн ыраазычылык билдиргим келет. Казакстан үчүн 12-министрлик конференцияга төрагалык кылуу чоң жоопкерчилик жана сыймык болду, анын жүрүшүндө ДСУнун мүчөлөрү Уюмду реформалоо боюнча маанилүү чечимдерди кабыл ала алышты», — деди Казакстандын президенти.
Мамлекет башчысы таза атаандаштыкты чыңдоого, ишкердикти коргоого жана мамлекеттин экономикага кийлигишүүсүн кыскартууга багытталган экономиканы либералдаштыруу боюнча Жарлыкка кол коюлганын билдирди.Ал белгилегендей, дүйнөлүк протекционизмге карабастан Казакстан ачык экономикасы бар өлкө катары позициясын бекемдеп, тышкы сооданын көлөмүн көбөйтүүдө.
Өз кезегинде Нгози Оконджо-Ивеала Казакстандын эл аралык соода чөйрөсүндө негизги чечимдерди кабыл алуудагы ролун жогору баалап, Борбордук Азиянын соода саясаты форумунун аймактык кызматташтыкты өнүктүрүү үчүн маанисин баса белгиледи.
Республиканын Президенти ошондой эле Нгози Оконжо-Ивеаланы көп тараптуу соода системасын жана ДСУнун дүйнөлүк ролун чыңдоого кошкон салымы үчүн 2-даражадагы «Достык» ордени менен сыйлады. Казакстан менен ДСУнун ортосундагы стратегиялык өнөктөштүк кызматташууга жана эл аралык сооданы өнүктүрүүгө жалпы умтулууну чагылдырган өнүгүүнү улантууда.
Фото: Официальный сайт Президента Республики Казахстан