2024-жылдын 3-июнунда Казакстандын Президенти Касым-Жомарт Токаев Жамааттык коопсуздук келишим уюмунун Парламенттик ассамблеясынын (ЖККУ) Кеңешинин жыйынына катышуу үчүн Казакстанга келген Россия Федерациясынын Мамлекеттик Думасынын Төрагасы Вячеслав Володинди кабыл алды.
Жолугушуунун жүрүшүндө көп пландуу казак-орус стратегиялык өнөктөштүгүн жана союздаштыгын чыңдоонун келечеги талкууланды. Тараптар соода-экономикалык жана маданий-гуманитардык кызматташуу маселелерин, ошондой эле евразиялык интеграциянын келечегин талкуулашты.
Президент Касым-Жомарт Токаев ар тараптуу кызматташтыкты чыңдоодо эки өлкөнүн мыйзам чыгаруу органдарынын маанилүү ролун баса белгилеп, көп тараптуу кызматташтыктын алкагында парламенттер аралык байланыштарды мындан ары өнүктүрүүгө чакырды.
Буга чейин мамлекет башчы ЖККУнун Парламенттик ассамблеясынын Кеңешинин жыйынынын катышуучулары менен жолугушкан. Ал ЖККУнун Парламенттик ассамблеясына туруктуу макам берүү боюнча Орусиянын сунушун колдоорун билдирип, башка өлкөлөрдүн делегацияларын да бул сунушту колдоого чакырды.
Сүрөт: Akorda.kz