Казакстан Республикасынын Президенти Касым-Жомарт Токаев Нидерланд Королдугунун Премьер-министри Марк Рютте менен жолугушту, деп билдирди өлкө башчынын басма сөз кызматы.
28-майда Нидерланддын премьер-министри иш сапары менен Казакстандын борбору Астанага келди. Ошол эле күнү казак лидери менен жолугушуу болду. Жолугушуунун катышуучулары эки тараптуу мамилелердин кеңири спектрин жана эки өлкөнүн ортосундагы кызматташуунун келечегин талкуулашты.
Андан соң президент Касым-Жомарт Токаев менен премьер-министр Марк Рютте сүйлөшүү бөлмөсүнө барып, кызматташуунун маанилүү темалары боюнча диалогду улантышты. Жолугушуу достук кырдаалда өттү жана эки тарапты кызыктырган актуалдуу маселелер боюнча пикир алмашуу болду.
Жолугушуунун катышуучулары эки элдин жыргалчылыгы үчүн ар түрдүү тармактарда өнөктөштүктү мындан ары да өнүктүрүү ниетин билдиришти.
Фото: Акорданын басма сөз кызматы