АСТАНА, 19 маусым – «Караван Инфо» АА.Алматыда «Адал азамат – ұлт келбеті» ұранымен Қазақстан халқы Ассамблеясы Ақсақалдар кеңесінің V республикалық форумы өтті. Ұйымдастырушы – Қазақстан Республикасы Мәдениет және ақпарат министрлігі.

Форумға ҚХА төрағасының орынбасары Марат Әзілханов, ҚР Парламенті Мәжілісінің депутаты Сергей Пономарев, Алматы қаласы әкімінің орынбасары Азамат Қалдыбеков, этномәдени бірлестіктердің өкілдері, ҚХА және облыстық ақсақалдар кеңесінің мүшелері жиналды.

Жиынға қатысушылар Ассамблеяның 30 жылдық мерейтойының қорытындылары, ҚХА-ның ХХХІV сессиясында жарияланған Елбасы тапсырмаларының орындалу барысы, сондай-ақ татулықты нығайтудағы, жастарды тәрбиелеудегі ақсақалдардың рөлін талқылады. «Адал азамат» жобасын ілгерілету, этномедиацияны дамыту, Аналар кеңесімен өзара іс-қимыл және рухани-адамгершілік тәрбие мәселелеріне ерекше көңіл бөлінді.

Форумда дәстүрлі құндылықтардың маңыздылығы мен ақсақалдар беделі қоғамдық келісім мен жалпыұлттық бірліктің тірегі ретінде атап өтілді.

Фото: ANK