Алматы, 2025 жылғы 29 желтоқсан – Karavan Info ақпараттық агенттігі. 2026 жылдан бастап сақтандыру мәртебесіне қарамастан, барлық алматылықтарға 11 әлеуметтік маңызды ауруды диагностикалау, бақылау және емдеу қолжетімді болады. Бұл туралы қалалық қоғамдық денсаулық сақтау департаменті басшысының орынбасары Ләйлә Иманғалиева хабарлады.
Аурулар тізіміне туберкулез, АИТВ инфекциясы, қатерлі ісік, созылмалы вирустық гепатит, психикалық бұзылулар, жетім аурулары, эпилепсия, инсульт және жедел миокард инфарктісі кіреді.
«Маңызды өзгеріс — егер әлеуметтік маңызы бар ауруға күдік болса, пациенттің сақтандыру мәртебесіне қарамастан қажетті диагностикалық процедуралар тағайындалады», — деді Иманғалиева.
2026 жылдан бастап созылмалы аурулары бар науқастарға арналған міндетті әлеуметтік медициналық сақтандыру (МӘС) пакеті кеңейтіледі, бұл оларға қымбат дәрі-дәрмектермен қамтамасыз етуді қоса алғанда, емделуге мүмкіндік береді.
Фото : freepik/Lifestylememory