2025 жылдың соңына дейін Алматы облысында Кеген және Райымбек аудандары арқылы өтетін Республикалық маңызы бар 145 шақырым жолды күрделі жөндеу жоспарлануда. Бұл жолдар Шарын каньоны, Қайыңды және Көлсай көлдері сияқты танымал туристік орындарға апарады.
ҚР Көлік вице-министрі Сатжан Аблалиев осы учаскелерді аралап, жөндеу жұмыстарының барысын бағалады. Жолдардың бір бөлігін биыл ашу жоспарлануда. Мысалы, ұзындығы 15 шақырым болатын «Кеген-Нарынқол» жолының учаскесі 2023 жылдың соңына дейін пайдалануға дайын болады.
Жолдарды жөндеуді Қазақстанның Даму Банкі қаржыландырады және танымал туристік орындардың ғана емес, шалғайдағы елді мекендердің де көліктік қолжетімділігін жақсартуға мүмкіндік береді. Бұл өз кезегінде өңірлік экономиканың дамуын ынталандырып, жергілікті халықтың өмір сүру деңгейін арттыруы тиіс.
Фото: ҚР көлік министрлігі