Астана, 17 қыркүйек 2025 жыл – Караван Инфо ақпараттық агенттігі.ҚР Сыртқы істер министрлігінде Қазақстан мен Беларусь Сыртқы істер министрлерінің орынбасарлары Ермұхамбет Қоныспаев пен Павел Утюпиннің жетекшілігімен екіжақты саяси консультациялар өтті.

Тараптар екіжақты және көпжақты форматтағы Қазақстан-Беларусь ынтымақтастығының қазіргі жағдайы мен болашағын талқылады. Дипломаттар өңірлік және халықаралық ұйымдар аясындағы ынтымақтастықты одан әрі дамыту жөнінде пікір алмасты.

Кездесу қорытындысы бойынша екіжақты ынтымақтастықтың барлық спектрі бойынша әріптестікті нығайту мақсатында сыртқы саяси ведомстволар арасындағы тығыз ынтымақтастықты жалғастыру туралы келісімге қол жеткізілді.

Фото:Қазақстан Республикасы Сыртқы істер министрлігі