Астана, 2026 жылғы 5 қаңтар – Karavan Info ақпараттық агенттігі. Елордадағы кітапханалар жаңғыртылып, коворкинг орталықтары мен шығармашылық кеңістіктерге айналуда. Соңғы үш жылда қаладағы кітапханалар саны 18-ден 25-ке дейін өсті.
2023 жылы төрт кітапхана коворкинг кеңістігіне айналдырылды. 2024 және 2025 жылдары жеті жаңа кітапхана ашылып, жеті бар кітапхана толығымен жаңартылды. Сондай-ақ қырыққа жуық жас маман жұмысқа орналастырылды.
«Кітапхана ой мен білім айналымын белсендіретін орталыққа айналуы керек», — деді ЕҰУ ғылыми кітапханасының директоры Бақытжан Оразалиев.
Оның айтуынша, қазіргі заманғы кітапханаларда оқу залдарынан басқа, кеңес беру бұрыштары, ақпараттық орталықтар, шығармашылық студиялар және демалыс аймақтары болуы керек.
Фото : Астана әкімдігі