Қырғыз Республикасының Су ресурстары, ауыл шаруашылығы және өңдеу өнеркәсібі министрлігі ел ішінде де, шетелде еңбек миграциясында жүрген азаматтарға да өнімсіз жерлерді белсенді түрде игеруді ұсынады.

Мысал ретінде Баткен облысы Қадамжай ауданындағы Молдо-Нияз ауылының шаруа қожалығы Толубай Жалиловты келтіруге болады. Өнімділігі төмен жайылым жерді 20 жылға жалға алып, заманауи технологияларды пайдалана отырып, сәтті игеруді қолға алды. Тақыр алқапқа диқан 4,5 мың түп үш сортты өрік көшеттерін отырғызып, тұрақты әрі сапалы суаруды қамтамасыз ететін тамшылатып суару жүйесі бар сыйымдылығы 6,5 мың текше метр су қоймасын салды.

Толубай Жалилов 1-2 гектар алқапты өңдеуге ниет білдіргендерді шағын кооперативтерге біріктіру шығындарды азайтып, кірісті арттыруға септігін тигізетінін айтады. Өрік көшеттері өнім бермесе, алқапта бақша дақылдары, қызанақ, қияр егіліп, кіріс әкеліп жатыр.

Министр Бақыт Торобаевтың өзі өнімділігі төмен жерлерді игеру бастамаларын қолдайды. Республика бойынша ауыл шаруашылығын дамытуға және Қырғызстанды халықтың тұрақты табысы бар жасыл аймаққа айналдыруға зор әлеуеті бар осындай 614 мың гектарға жуық жер анықталды.