Астана, 2025 жылғы 1 қыркүйек – «Караван Инфо» ақпараттық агенттігі.Қазақстан Республикасы Сыртқы істер министрлігінде Халықаралық ядролық сынақтарға қарсы іс-қимыл күніне арналған жиын өтті. Іс-шара ядролық қарусыз аймақтар мен бес ядролық мемлекет өкілдерінің қатысуымен телекөпір форматында өтті.

Сыртқы істер министрінің бірінші орынбасары Ақан Рахметуллин ядролық қарусыз аймақтардың қауіпсіздігіне теріс кепілдіктер туралы хаттамалардың, оның ішінде Семей шартының тез арада күшіне енуінің маңыздылығын атап өтті.

Қатысушылар ядролық қарудан азат әлемге қол жеткізудің шарты ретінде ядролық қарусыз аймақтар мәртебесін нығайтуды талқылады. Халықаралық ядролық сынақтарға қарсы іс-қимыл күні 29 тамызда, яғни Семей полигоны жабылған күні атап өтіледі.

Фото:Қазақстан Республикасының СІМ