Қазақстан, 18 шілде 2025 жыл – Караван Инфо ақпараттық агенттігі.Қазақстан Республикасының Энергетика министрлігі Киберқауіпсіздік бойынша коммерциялық емес технологиялық консорциумның құрылғанын хабарлады. Жаңа құрылымның мақсаты – еліміздің отын-энергетикалық кешенінің (ОЭК) маңызды инфрақұрылымын заманауи киберқауіптерден қорғауды күшейту.

Консорциум «Қазақстан Республикасы Отын-энергетика кешенінің ситуациялық-талдау орталығы» АҚ базасында құрылған. Оның құрамына еліміздің жетекші жедел ақпараттық қауіпсіздік орталықтары кіреді, олар отын-энергетика кешені объектілерін цифрлық қорғауды қамтамасыз ету үшін өз ресурстары мен күштерін мемлекетпен біріктіруге дайын.

Қазіргі кезеңде Консорциумның негізгі міндеттері:

• Энергетика секторының барлық маңызды объектілеріне кешенді киберқауіпсіздік аудитін жүргізу.
• Оларды қорғауды қамтамасыз ету үшін бірыңғай нормативтік талаптар мен стандарттарды әзірлеу.

Бұл қадамдар цифрлық қауіпсіздік саласындағы заманауи сын-қатерлерге дайындықтың жоғары деңгейін қамтамасыз ететін киберқауіптерге қарсы тұрудың тұрақты және бейімделгіш жүйесін қалыптастырудың негізін қалайды деп саналады.

Фото:Қазақстан Республикасы Энергетика министрлігі