Астана, 23 шілде 2025 жыл – Караван Инфо ақпараттық агенттігі.Қазақстан Республикасының Экология министрі Ерлан Нысанбаев Бразилияның Елшісі Марсель Фортуна Биатомен және табиғатты қорғау ұйымдарының өкілдерімен жұмыс кездесуін өткізді. Келіссөздердің негізгі тақырыбы 2025 жылдың қарашасында Бразилияда өтетін БҰҰ-ның COP30 климаттық конференциясына дайындық болды.

Кездесу барысында тараптар бірлескен экологиялық жобалардың болашағын, оның ішінде жастардың қатысуымен жасылдандыру бастамаларын талқылады. 2026 жылғы сәуірде Астанада өтетін Орталық Азия елдері үшін алдағы өңірлік экологиялық саммитке ерекше назар аударылды.

Кездесуге қатысушылар қоршаған ортаны қорғау және климаттық күн тәртібі саласындағы екіжақты ынтымақтастықты дамытуға өзара мүдделі екендіктерін растады. Бразилия Елшісі жаһандық экологиялық проблемаларды шешу үшін күш-жігерді біріктірудің маңыздылығын атап өтті.

Фото: Қазақстан Республикасы Экология және табиғи ресурстар министрлігі