Астана, 30 мамыр 2025 жыл – «Караван Инфо» ақпараттық агенттігі.Қазақстанға ресми сапары және Астана халықаралық форумына қатысу аясында Руанда Президенті Пол Кагаме «Қазақстан Ғарыш Сапары» ҰК» АҚ Ұлттық ғарыш орталығында (ҰҒО) болды.

Сапар барысында Қазақстан Республикасының Цифрлық даму, инновациялар және аэроғарыш өнеркәсібі министрі Жаслан Мәдиев делегацияны қазақстандық ғарыш саласының қызметімен таныстырды. Ол Жерді қашықтықтан зондтау, спутниктік байланыс және ғарыштық технологияларды дамыту саласындағы негізгі жобалармен таныстырды.

«Қазақстан Ғарыш Сапары» ҰК» АҚ мен Руанда ғарыш агенттігінің геоақпараттық қызмет көрсету, мониторинг және қоршаған ортаны талдау саласында озық шешімдерді қолдану бойынша ынтымақтастық мүмкіндіктеріне ерекше назар аударылды.

Фото: MCRIAP RK