Түркістан, 18 қыркүйек 2025 жыл – Караван Инфо ақпараттық агенттігі.Түркістан облысында Қазақстан мен Өзбекстан ішкі істер министрліктері делегациялары арасында кездесу өтті. Кездесуде тәжірибе алмасу, ынтымақтастықты нығайту, құқық қорғау органдарының өзара іс-қимылының тиімділігін арттыру мәселелері талқыланды.

Жиынға Қазақстан мен Өзбекстан Ішкі істер министрлерінің орынбасарлары Санжар Әділов пен Рамазан Ашропов, сондай-ақ екі елдің шекаралас облыстарының тергеу басқармалары мен ішкі істер органдарының өкілдері қатысты.

Қатысушылар трансұлттық қылмыстарды бірлесіп тергеу және цифрлық құралдарды, оның ішінде жасанды интеллект негізіндегі жүйелерді кеңейту мәселелерін талқылады. Тәжірибе алмасуға және қызметкерлердің біліктілігін арттыруға ерекше көңіл бөлінді.

Кездесу барысында делегация өкілдеріне полиция департаментінің жедел орталығының жұмысы, сондай-ақ киберзертхана, генетикалық зертхана және жылжымалы криминалистикалық зертхананың мүмкіндіктері көрсетілді.

Фото:Қазақстан Республикасы Ішкі істер министрлігі