АСТАНА, 17 шілде – «Караван Инфо» АА.Қазақстан футбол федерациясы (ҚФФ) елде екі ірі футбол турнирін – Конференция лигасының финалы мен УЕФА Суперкубогын өткізуге ресми өтінім берді. Бұл туралы ҚФФ президенті Марат Омаров мәлімдеді. Өткізу орны ретінде Астана мен Алматы қалалары қарастырылуда.

Қазақстан сондай-ақ 2027 жылы УЕФА конгрессін өткізуге дайын екенін білдірді. Қазіргі уақытта футбол инфрақұрылымы белсенді түрде жаңартылуда: 30 000 орындық «Астана Арена» күрделі жөндеуден өтті және қазір УЕФА-ның ең жоғары, төртінші санатына сай. Алматыда Орталық стадионды (23 000 көрермен) жөндеуді жоспарлап отыр.

Сонымен қатар, ҚФФ жастар арасындағы Еуропа чемпионатын (U-21 және U-19) ұйымдастыру мүмкіндігін қарастыруда.

Қазақстан астанасы бұған дейін суперкубок үшін таласса, Будапешттен жеңіліп қалған болатын. Ал, УЕФА тарихында жасанды алаңда бірде-бір финал өткен емес. Еске салайық, 2025 жылы УЕФА президенті Александр Чеферин Қазақстанға келген болатын.

Ашық көздерден алынған фотосурет