Семей, 12 мамыр 2025 жыл – Караван Инфо ақпараттық агенттігі.Семей қаласында Денсаулық сақтау министрлігінің Медициналық терминология комиссиясы Семей медициналық университетімен бірлесіп ұйымдастырған Республикалық терминологиялық конференция өтті. Күн тәртібіндегі өзекті мәселелер бекітілген медициналық терминдердің бірыңғай сөздігін жасау, денсаулық сақтау саласындағы нормативтік құқықтық актілердің терминологиялық базасын қалыптастыру, мемлекеттік тілдегі заманауи және толыққанды медициналық терминология сөздігін жасау болды.

Конференция барысында жас ғалымдар медициналық терминологияның өзекті мәселелерін белсенді түрде талқылады. Ғылыми басылымдарда қолданылатын аббревиатураларды, нормативтік құқықтық актілердегі терминдерді жан-жақты талдауға, сондай-ақ қазақ тіліндегі ғылыми медициналық тілді жүйелеу мәселелеріне ерекше назар аударылды.

Қазіргі заманғы ақпараттық технологияларды енгізу, атап айтқанда, жасанды интеллектке негізделген және денсаулық сақтау саласының қажеттіліктеріне бағытталған KAZHealthGPT жүйесін дамыту талқыланатын жеке маңызды тақырып болды. Сонымен қатар, конференцияға қатысушылар қазақ тіліндегі сапалы медициналық әдебиеттермен қамтамасыз етуге бағытталған «Мемлекеттік тілдегі 100 медициналық оқулық» жобасының мәні мен болашағына сенім білдірді.

Фото:Қазақстан Республикасы Денсаулық сақтау министрлігі