АСТАНА, 11 шілде – «Караван Инфо» АА.Астанада өткен ауыр атлетикадан жасөспірімдер мен жасөспірімдер арасындағы Азия чемпионатында қазақстандық спортшылар жүлде қорын үш медальмен толықтырды.

94 келіден жоғары салмақ дәрежесінде сынға түскен Аңсар Тұрсынбек жалпы 326 келіні (жұлқи көтеруде 144 келі, серпе көтеруде 182 келі) бағындырып, күміске қол жеткізді. Оңтүстік Кореядан келген Инхок Ким 334 келі салмақта жеңімпаз атанса, қола өзбекстандық Хусонбай Халмұратовқа 324 келі салмақпен бұйырды.

100 келі салмақта сынға түскен Матвей Макрушин де жалпы саны 331 келіні (148+183) көтеріп, күміске қол жеткізді. Алтынды өзбекстандық Құдратбек Залимжонов (360 келі), қоланы түркіменстандық Сүлеймен Джафаров (327 келі) еншіледі.

Қазақстанға тағы бір жүлдені 110 келіден жоғары салмақта үшінші орын алған Санжар Жолтай әкелді. Оның нәтижесі 340 келі (155+185) болды. Бұл категорияда чемпион сириялық Касвара Джили (364 келі), екінші орын өзбекстандық Омидулло Олимовқа (351 келі) бұйырды.

Фото: NOC