Қырғызстандағы «Эдельвейс» полигонында Ұжымдық қауіпсіздік туралы шарт ұйымының (ҰҚШҰ) ауқымды оқу-жаттығулары өтуде. Оларға Қазақстанды қоса алғанда, ұйымға мүше бес елдің әскери контингенттері қатысады.

Қазақстандық десантшылар оқу-жаттығуларға қатысу үшін Талдықорғаннан Балықшы қаласына ұзақ жорық жасады. Әскери қызметшілер басқа елдердің әріптестерімен өзара іс-қимыл, жедел үйлесімділікті арттыру және дағдарыстық жағдайларды реттеуге байланысты түрлі міндеттерді шешу мәселелерін пысықтайды.

Оқу-жаттығу үш кезеңде өтеді: «Өзара іс-қимыл-2024», «Іздеу-2024» және «Эшелон-2024». Оларға командалық-штабтық жаттығулар, барлау және логистикалық күштері бар арнайы жаттығулар кіреді. Оқу жаттығу 11 қыркүйекке дейін жалғасады және Ұжымдық қауіпсіздік шартын ұйымдастыру ұжымдық күштерінің іс қимылдарының жауынгерлік әзірлігі мен үйлесімділігін арттыруға бағытталған