Астана, 2026 жылғы 10 ақпан – Karavan Info ақпараттық агенттігі . ҚР Энергетика министрлігі халықаралық сарапшы Ли Кай-фумен жасанды интеллект саласында ынтымақтастық орнатуға келісті. Тиісті меморандумға Астанада қол қойылды.

Энергетика министрі Ерлан Ақкенженов жасанды интеллект саласындағы танымал халықаралық сарапшы, ғалым және кәсіпкер Ли Кай-Фумен кездесті.

Тараптар отын-энергетика секторының цифрлық трансформациясына, жасанды интеллект саласындағы жаһандық үрдістерге және энергетикалық нысандардың тиімділігі мен қауіпсіздігін арттыру үшін жасанды интеллект технологияларын пайдалану әлеуетіне қатысты өзекті мәселелерді талқылады.

Ли Кай-Фу жасанды интеллекттің қолданбалы шешімдерін енгізудегі халықаралық тәжірибесімен және ірі өнеркәсіптік жүйелерде жасанды интеллектті пайдалану тәсілдерімен бөлісті.

Ынтымақтастық туралы меморандум цифрландыру саласындағы ынтымақтастықты дамытуға және Қазақстанның отын-энергетика секторында жасанды интеллект технологияларын енгізуге бағытталған.

Меморандум аясында тараптар қолданбалы жасанды интеллект шешімдерін енгізуде ынтымақтастықты дамытуды көздеп отыр. Олар салада пайдалану үшін жасанды интеллект агентін құру бойынша пилоттық жобаны әзірлеп, жүзеге асырады.

Жоспарланған пилоттық жоба аясында жасанды интеллект модельдерін оқыту және тестілеу Әл-Фараби атындағы Қазақ ұлттық университетінің суперкомпьютерлік инфрақұрылымын пайдалану арқылы жүзеге асырылады, онда Отын-энергетика секторындағы технологиялық құзыреттіліктердің салалық орталығы құрылды.

Фото: Қазақстан Республикасы Энергетика министрлігі