9 шілде күні Бішкекте грек-рим күресінен 20 жасқа дейінгі жасөспірімдер (U-20) арасындағы Азия чемпионатының бірінші күні аяқталды.

Қырғызстан жастар құрамасы тамаша нәтиже көрсетіп, 1 алтын, 1 күміс және 1 қола медаль жеңіп алды.

63 келі салмақта өнер көрсеткен Эмирлан Дүйшөналиев алтын жүлдені жеңіп алып, Азия чемпионы атанды. Ол финалдық белдесуде үндістандық палуан Варунды 8:0 есебімен жеңіп, еліне көптен күткен жеңісті сыйлады. Бұл Ақжол Махмудов чемпион атанған 2017 жылдан бері жасөспірімдер арасындағы Азия чемпионатында Қырғызстан үшін бірінші алтын медаль.

55 келіге дейінгі салмақ дәрежесінде Құтман Қалбаев күміс медальді иеленді. Ол финалда бұған дейін кадеттер арасында әлем чемпионы атанған ирандық Паям Ахмади Балутакиден жеңіліп қалды.

77 келіге дейінгі салмақта Әділет Әбікеев қола жүлдені жеңіп алды. Үшінші орын үшін белдесуде Өзбекстан өкілі Бекмурод Рустамовпен кездесті. 1:1 есебімен жеңіс жекпе-жек соңында белсендірек әрекет еткен қырғызстандық спортшыға бұйырды.

Жарыс жалғасуда. Бүгін, 10 шілдеде келесі салмақ дәрежесіндегі палуандар кілемге шығады:

• 60 келі – Ербол Өзгенов;
• 67 келі – Жанторо Мирзалиев;
• 72 келі – Ілгіс Қаныбеков;
• 82 келі – Мирсаид Юнусов;
• 97 кг – Рустам Садыков.

Қырғызстан жастар құрамасының бас бапкері – Рысқұлбек Егеев.