Астана, 2025 жылғы 29 желтоқсан – Karavan Info ақпараттық агенттігі. Байқоңыр ғарыш айлағындағы «Бәйтерек» кешенінен перспективалы қазақстан-ресейлік «Союз 5»/«Сұңқар» зымыран тасығышын алғашқы ұшыруға дайындық жалғасуда. Жоба серіктестері қосымша сынақтар жүргізу үшін ұшыру кестесін түзету туралы шешім қабылдады, деп хабарлайды Қазақстан Республикасы Жасанды интеллект және цифрлық даму министрлігі.

«Біз ұшырылымды нақты күнге байланыстыруға тырыспаймыз. Біздің мақсатымыз — алғашқы сынақ ұшырылымының сәтті аяқталуын қамтамасыз ету», — деді «Роскосмос» бас директорының орынбасары Дмитрий Баранов.

Зымыран құрастырылып бітті, жердегі инфрақұрылым дайын, мамандар кеңейтілген сынақ бағдарламасын жүргізуде. Жобаны «Бәйтерек» БК АҚ қазақстан-ресей бірлескен кәсіпорны жүзеге асыруда.

«Барлық жұмыс жоспар бойынша, барлық технологиялық ережелер мен сапа стандарттарына сәйкес жүргізілуде», — деп атап өтті «Бәйтерек» акционерлік қоғамы» АҚ басқарма төрағасы Айдын Айымбетов.

Автономды сынақтар аяқталғаннан кейін зымыран соңғы тексерулер мен ұшыру күнін анықтау үшін ұшыру кешеніне жеткізіледі.

Фото : MCRIAP RK