Әлемдегі ең ірі Binance криптовалюта биржасының негізін қалаушы Чанпэн Чжао бүгін, 3 мамырда Қырғызстанға жұмыс сапарымен келді.

«Ыстықкөл» халықаралық әуежайында мәртебелі мейманды Президент Әкімшілігі Басшысының орынбасары – Қырғыз Республикасы Президенті мен Министрлер Кабинетінің шешімдерін дайындау бөлімінің меңгерушісі Азамат Қадыралиев құрметпен қарсы алды.

Сапар аясында Президент Садыр Жапаров пен Binance негізін қалаушы Чанпэн Чжао арасындағы екіжақты келіссөздер, сондай-ақ Қырғыз Республикасы Президенті жанындағы Виртуалды активтер мен блокчейн технологияларын дамыту жөніндегі Ұлттық кеңестің бірінші отырысына қатысу кіреді.