Бішкек қалалық ІІД Есірткі бизнесіне қарсы күрес қызметі есірткі және психотроптық заттарды заңсыз тасымалдау, сақтау және тарату фактілерін анықтау мақсатында «Қара кендір» атты арнайы іс-шара өткізді.

Операция барысында арнайы техниканың көмегімен 1 тоннадан астам қарасора мен апиын өсімдігі табылып, жойылды. Сондай-ақ, қала бойынша мобильді жедел топтар құрылып, қалаға тыйым салынған заттарды әкелмеу үшін кейбір көшелерге стационарлық шлагбаумдар орнатылды.

Сондай-ақ, азаматтарға есірткінің зияны туралы ақпарат беріліп, мектеп оқушылары мен жастарға танымдық әңгімелер жүргізілді.