Моңғолия Президенті Ухнаагийн Хурелсух 20 шілдеде Қырғыз Республикасына мемлекеттік сапармен келеді.Бұл туралы Қырғыз Республикасы Президенті Әкімшілігінің Сыртқы саясат бөлімінің меңгерушісі Сағынбек Әбдімүтәліп хабарлады.

«Осы сапар аясында сапар мәртебесіне сәйкес салтанатты іс-шаралар, сондай-ақ Қырғыз Республикасының Президенті Садыр Жапаровпен, Қырғыз Республикасы Жоғарғы Кенешінің Төрағасы Нұрланбек Тұрғынбек уулумен және Қырғыз Республикасы Министрлер Кабинетінің Төрағасы Адылбек Қасымәлиевпен екіжақты кездесулер жоспарланған.

Екіжақты ынтымақтастықты кеңейтуге бағытталған құжаттар пакетіне қол қою жоспарлануда.

Сонымен қатар, сапар аясында қырғыз-монғол бизнес-форумы, сондай-ақ екі елдің өнерпаздарының қатысуымен концерт өтеді деп жоспарлануда», — деді Сағынбек Әбдімүтәліп.