Өзбекстанның Каирдегі елшілігінің көмегімен «Agro Gold Premium» өзбек компаниясы мен мысырлық EFC Plants Tissue Culture SAE кәсіпорны арасында онлайн келіссөздер жүргізілді. Тараптар CARA сортының іріктелген картоп тұқымын жеткізу бойынша ынтымақтастықтың егжей-тегжейлерін талқылады.

Бастапқы кезеңде Мысыр тарапы Өзбекстанға G0 буынының 500 мың шағын түйнектерін тегін береді. Бұл тұқымдар биыл Қашқадария облысындағы арнайы дайындалған алқапқа егіледі. Алдағы уақытта егіс алқабын кеңейтіп, алынған өнім жергілікті диқандар арасында кең көлемде үлестіріледі деп жоспарлануда.

Жоба президент Шавкат Мирзиеевтің Қашқадарияға маусымдағы сапарының қорытындысы бойынша берген тапсырмасы аясында жүзеге асырылуда. Осы ретте облыс делегациясы Мысырда болып, картоп өсіру саласындағы ынтымақтастық туралы меморандумға қол қойды.