9 мамырда Ош қаласында Ұлы Отан соғысындағы Жеңістің 80 жылдығына арналған мерекелік шаралар өтті. Бұл туралы Қырғыз Республикасының Қорғаныс министрлігі хабарлады.

Ресми ақпаратқа сәйкес, мереке Ош қаласының орталық алаңында өтті. Іс-шараға Қорғаныс министрінің орынбасары – Оңтүстік-Батыс жедел қолбасшылығының қолбасшысы полковник Алмазбек Қарасартов, Қырғыз Республикасы Президентінің Ош облысындағы өкілетті өкілінің бірінші орынбасары Құрманбек Айтибаев, Ош қаласының әкімі Жеңішбек Токторбаев, сондай-ақ Қарулы Күштер ардагерлері, қала тұрғындары қатысты.

Шара аясында «Мәңгілік алау» мемориалдық кешеніне гирлянда қойылып, Ош қалалық мәдениет басқармасы мерекелік концерт ұйымдастырды.

Сондай-ақ, Тоқтағұл Сатылғанов атындағы демалыс саябағында ардагерлерге арнап «Әскери дала асханасы» ұйымдастырылып, қонақтарға дәстүрлі сарбаз тағамдары ұсынылды.

Еске салайық, Ұлы Отан соғысы жылдарында Ош қаласынан 14 621 адам шақырылған, оның ішінде 3 118 жауынгер қаза тауып, 401 әскери қызметкер хабарсыз кеткендер тізімінде.