Астана, 12 қыркүйек 2025 жыл – Караван Инфо ақпараттық агенттігі.ҚР Денсаулық сақтау министрі Ақмарал Әлназарова Хуангран медициналық орталығының қытайлық Shanghai Maijieke Investment Management Co., Ltd. компаниясының өкілдерімен кездесіп, денсаулық сақтау саласындағы бірлескен бастамаларды талқылады.

Кездесу барысында медицина ғылымын дамытуға, цифрландыруға, инфрақұрылымды жаңғыртуға, инновациялық технологияларды енгізуге қатысты мәселелер талқыланды. Ақмарал Әлназарова Қазақстанның медициналық техниканы жаңарту мен ұтымды пайдалануға, сондай-ақ мамандарға қызмет көрсету және оқыту бойынша бірлескен жобаларды әзірлеуге мүдделі екенін атап өтті.

Келіссөздер қорытындысы бойынша тараптар келесі бағыттар бойынша ынтымақтастыққа ниетті екенін растады:

• Қазақстандағы денсаулық сақтауда цифрлық технологияларды қолдану.
• Медициналық құрал-жабдықтармен қамтамасыз ету.
• Денсаулық сақтау нысандарын салу бойынша бірлескен жобаларды жүзеге асыру.
• Медициналық қалдықтарды жоюда Қытай тәжірибесін пайдалану.

Фото:Қазақстан Республикасы Денсаулық сақтау министрлігі