Бүгін, 9 мамырда Қырғыз Республикасының Президенті Садыр Жапаров жаңа Рим Папасы Лев XIV-ті Қырғызстан халқының атынан және жеке өзінің атынан бүкіл католик шіркеуінің басшысы болып сайлануымен құттықтады.

«Сіздің Рим Папасы ретіндегі қызметіңіз халықаралық бейбітшілік пен әділеттілікті нығайту, сондай-ақ әлемдік діндер арасындағы диалогты дамыту және жалпы адамзаттық құндылықтарды ілгерілету үшін үлкен маңызға ие.

Қырғызстан Ватиканмен орнатылған достық қарым-қатынасты жоғары бағалайды және өзара түсіністік, құрмет пен жалпыға ортақ бейбітшілікке ұмтылу қағидаттарына негізделген ынтымақтастықты жалғастыруға дайын екенін білдіреді.

«Сізге зор денсаулық, амандық және адамзатқа қызмет етуде күш-қуат тілеймін», — делінген Президент Садыр Жапаровтың құттықтау жеделхатында.