Нарындағы Шәмші су қоймасының құрылысы аяқталуға жақын. Бұл туралы Ауыл шаруашылығы министрлігінің баспасөз қызметі хабарлады.

Ведомствоның мәліметінше, су қоймасының құрылысына 15,972 млн АҚШ доллары көлемінде қаржыландыру қарастырылған.

Қаржыны Ислам Даму Банкі, Сауд Арабиясының Даму Қоры және Министрлер кабинеті бөлді. Бүгінгі таңда барлық құрылыс жұмыстарының 80 пайызы орындалды.

Су қоймасын толтырудың негізгі көзі – Қошқор өзенінің сол жақ саласы Шәмші өзені.

Су қоймасының бөгеті теңіз деңгейінен 2416 м биіктікте салынып жатыр, ал негізгі және ішкі каналдар теңіз деңгейінен 2270-2030 м биіктікте орналасқан.

Жобада гидротехникалық құрылыстары бар сыйымдылығы 3,8 млн м³ су қоймасының, бөгеттің, магистральдық су алатын құрылыстың, ұзындығы 10,5 км жаңа магистральды каналдың және 35 км шаруашылық ішілік каналдың құрылысы қарастырылған. Бұл нысандар пайдалануға берілгеннен кейін 1068 гектар суармалы жерді суарумен қамтамасыз ету жоспарлануда.