Өскемен, 25 сәуір 2025 жыл – «Караван Инфо» ақпараттық агенттігі.Д.Серікбаев атындағы Шығыс Қазақстан техникалық университетінде Қазақстандағы атом энергетикасы бағдарламасын жүзеге асыруға қажетті инфрақұрылымды дамытуға арналған халықаралық форум өтті. Форумға қатысушылар атом энергетикасы саласындағы білім беру, ғылыми зерттеулерді, технологиялық және кадрлық әлеуетті дамыту мәселелері бойынша пікір алмасты.

Форумның негізгі мақсаты болашақ атом электр станцияларының қауіпсіз және тиімді жұмысын қамтамасыз етуге қабілетті білікті мамандарды даярлаудың заманауи білім беру бағдарламаларын құру және жетілдіру болды. Бұл бастама Қазақстан Республикасы Энергетика министрлігі мен Атом энергиясы жөніндегі халықаралық агенттіктің (МАГАТЭ) бірлескен жобалары аясында жүзеге асырылуда.

Форумға отандық және шетелдік жетекші сарапшылар, оқу орындарының, энергетикалық компаниялардың, халықаралық ұйымдар мен бақылаушы органдардың өкілдері қатысты. Іс-шарада кадрларды даярлаудағы заманауи тәсілдер, соңғы технологиялар мен цифрлық шешімдерді біріктіру, сондай-ақ атом саласы үшін кадрлар даярлаудағы халықаралық ынтымақтастық мәселелері талқыланды.

Фото: Қазақстан Республикасы Ғылым және жоғары білім министрлігі