Өзбекстан тұрақты энергетикалық болашаққа сенімді қадамдар жасауда. Ташкент облысының Бостанлық ауданындағы Бурчмуллада қуаты 20 мегаватт болатын ірі жел электр станциясының құрылысы басталды.

Жоба Президент Шавкат Мирзиеевтің бастамасымен жаңартылатын энергия көздерін дамытудың мемлекеттік бағдарламасы аясында жүзеге асырылуда. Жел электр станциясын орналастыру үшін қазірдің өзінде он гектар жер бөлінді.

Станция жыл сайын шамамен 129,6 млн кВт/сағ электр энергиясын өндіреді, бұл 800 мың текше метрден астам газды немесе 3 мың тоннадан астам көмірді үнемдеуге, сондай-ақ атмосфераға шығарындыларды айтарлықтай азайтуға мүмкіндік береді.

Жобаның жалпы құны 28 млн АҚШ долларын құрайды, құрылыс тартылған грант есебінен қаржыландырылады. Жаңа электр стансасы халықты энергиямен қамтамасыз етіп қана қоймай, өңірдің экологиялық жағдайын жақсартуға да септігін тигізеді.