Өзбекстан Ұлттық кітапханасы жанындағы алаңда 1-3 мамыр аралығында кезекті Ташкент гүл фестивалі өтеді.Шараны астаналық әкімдік ұйымдастырып отыр. Биылғы жылы фестивальде тек гүл өсіру және ландшафты дизайн бойынша маманданған компаниялар ғана емес, сонымен қатар экологиялық дизайн, тұрақты даму және жасыл экономика саласында жұмыс істейтін ұйымдар да қатысады. Елорда әкімдігінің баспасөз қызметінің хабарлауынша, фестивальге келушілер гүлдердің түр-түрін сатып алып, тамақтану аймағын аралап, аниматорлар мен концерттік қойылымдар бар ойын-сауық бағдарламасын тамашалауға мүмкіндік алады.

«Фестиваль экологиялық білім беру, табиғатты қорғау, жастардың экологиялық санасын қалыптастыру және «жасыл» экономика қағидаттарын дамыту мәселелеріне қоғамның назарын аударуға бағытталған», — деді ол.— делінген әкімдік хабарламасында.

Фестивальге байланысты 29 сәуір мен 3 мамыр аралығында бірнеше орталық көшелерде көлік қозғалысына уақытша шектеу қойылады: Зарафшан көшесі (Hyatt Regency Tashkent қонақ үйі өткізу пункті мен Матбуотшылар көшесі арасы), Истиқлол көшесі (Әмір Темур мен Буюк Турон көшелерінің арасы) және Буюк Турон көшесі (Истиклол Кредит сарайының қиылысынан бастап).