3 маусымда Өзбекстан Инвестициялар, индустрия және сауда министрлігінде министр Лазиз Кудратов пен OTP тобына кіретін венгриялық ZA-Invest Poultry Kft. компаниясының өкілдерінің кездесуі өтті. Тараптар Сырдария ауданында бірлескен инвестициялық жобаны іске қосудың жай-жапсарын талқылады.

130 гектар аумақта заманауи құс кластерін құру жоспарлануда. Жоба инкубация мен өсіруден өнімді өңдеу мен өткізуге дейінгі толық өндірістік циклді қамтиды. Жер телімдерін бөлу, қажетті инфрақұрылымдарды салу және инвесторға қосымша преференциялар беруге қатысты мәселелер талқыланды.

Кездесу қорытындысы бойынша жобаны іске асыру механизмі бойынша нақты келісімдерге қол жеткізіліп, бастаманы уақтылы жүзеге асыру үшін тараптардың жедел әрекет ету форматы келісілді.