Қырғыз Республикасының Экономика және сауда министрі Бақыт Сыдықов «Елдік Банк» ААҚ және «МҚҰ Кәсіпкерлікті дамыту қоры» ААҚ-мен «Әйелдер кәсіпкерлігін дамыту» бастамасы аясында кәсіпкер әйелдерді жеңілдікпен несиелеу жобасын іске қосу туралы келісімге қол қойды.
 
Бағдарлама өңірлердегі әйелдердің бизнес-бастамаларын тұрақты қолдауға және олардың қаржылық ресурстарға қолжетімділігін кеңейтуге бағытталған.
 
Жоба Азия даму банкі арқылы Жапондық кедейлікті азайту қорының қаржылық қолдауымен жүзеге асырылуда. Қаржыландыру көлемі қайтарымсыз грант түріндегі 40 млн.
 
Қырғызстанның аймақтарында (Бішкек және Ош қалаларын қоспағанда) жұмыс істейтін кәсіпкер әйелдерге жылдық 12%-дан аспайтын мөлшерлемемен 8 жылға дейінгі мерзімге жеңілдікті несие беріледі.
 
Қол қою рәсімінде сөз сөйлеген министр Бақыт Сыдықов бағдарламаның іске қосылуы мемлекеттің әйелдер кәсіпкерлігін дамыту және қолдаудағы тағы бір маңызды қадамы екенін баса айтты.
 
Жобаны іске асыру мерзімдері Қырғыз Республикасы Министрлер Кабинетінің 2025 жылғы 14 ақпандағы № 81 бұйрығымен бекітілген.