Қырғызгидромет ауа райына байланысты төтенше ескерту жариялады.

Болжам бойынша, 3-5 шілде аралығында күндізгі ауа температурасының біртіндеп көтерілуімен аномальды ыстық ауа райы күтіледі.

Шу алқабында ауа температурасы күндіз 35-40°С, Ош, Жалал-Абад және Баткен облыстарының аңғарларында 36-41°С, Талас облысында 33-38°С дейін көтеріледі.

Мұндай құрғақ және қатты ыстық кезінде сусыздануды және жылу соққысын болдырмау үшін күндізгі уақытта ашық күннің әсерін шектеу ұсынылады. Сондай-ақ шаруаларға егінін мол суаруға кеңес беріледі.