Франция елдер арасындағы сауда-экономикалық ынтымақтастықты нығайтуға мүдделі. Бақыт Торобаев Францияның Сыртқы сауда министрімен кездесті

Парижде Министрлер кабинеті төрағасының орынбасары, су шаруашылығы, ауыл шаруашылығы және өңдеу өнеркәсібі министрі Бақыт Торобаевпен және Франция министрі Лоран Сен-Мартенмен өткен кездесуде екі ел арасындағы ынтымақтастықты кеңейту, өзара сауда және инвестиция саласындағы байланыстарды нығайту, бірлескен экономикалық жобаларды жүзеге асыру перспективалары талқыланды.

Тауар айналымын арттыруға, инвестиция үшін қолайлы жағдай жасауға, екі елдің іскер топтары арасындағы өзара іс-қимылды тереңдетуге ерекше назар аударылды. Келіссөздер барысында Қырғыз Республикасының Франциямен өзара тиімді, ұзақ мерзімді серіктестікті дамытуға мүдделі екендігі баса айтылып, мемлекеттік және жеке секторлар арасындағы тікелей диалогты жандандырудың маңыздылығы расталды. Сондай-ақ, экономикалық ынтымақтастықты нығайту және заманауи технологиялық жобаларды бірлесіп жүзеге асыру мүмкіндіктерін қарастыру ұсынылды.

Айта кетейік, Лоран Сен-Мартен алдағы күндері Қырғызстанға ресми сапармен барады. Сапар барысында ол қырғыз-француз бизнес форумына қатысып, министрлер кабинетінің өкілдерімен бірқатар екіжақты кездесулер өткізеді.

Өз кезегінде Лоран Сен-Мартен екі елдің сауда-экономикалық ынтымақтастығын нығайтуға және қырғыз және француз бизнесмендері арасындағы байланысты дамытуға бағытталған бастамаларды қолдауға дайын екенін жеткізді. Ол сондай-ақ Қырғызстанның Орталық Азиядағы сенімді серіктес ретіндегі жоғары әлеуетін атап өтті.