Исламабадта сауда-экономикалық және ғылыми-техникалық ынтымақтастық бойынша қырғыз-пәкістан үкіметаралық комиссиясының 5-ші отырысы өтті. Бұл туралы Қырғыз Республикасының Экономика министрлігі хабарлады.

Қырғыз Республикасының делегациясын Министрлер кабинеті төрағасының орынбасары Еділ Байсалов бастап барды.

Шара барысында тараптар екіжақты әріптестікті кеңейту, бұрын қол жеткізілген келісімдерді іс жүзінде жүзеге асыру және екі елдің іскер топтары арасында көптеген салаларда тікелей байланыс орнату мәселелерін талқылады.

Кездесу қорытындысы бойынша Қырғыз Республикасының Экономика және коммерция министрлігі жанындағы «Халал индустриясын дамыту орталығы» мемлекеттік мекемесінің директоры Алмаз Кайырбеков Пәкістанның Халал агенттігімен халал саудасы саласындағы өзара түсіністік және ынтымақтастық туралы меморандумға қол қойды.

Қол қойылған келісім халал өнімдерін сатудағы техникалық кедергілерді азайтуға, екі елдің халалды сертификаттау жөніндегі органдарының ынтымақтастығы мен өзара танылуына, сондай-ақ Қырғыз Республикасы мен Пәкістан Ислам Республикасы арасындағы экономикалық ынтымақтастықты тереңдету және стратегиялық әріптестікті нығайту үшін қолайлы жағдайлар жасауға бағытталған.