Қырғызстан Республикасы Денсаулық сақтау министрлігінің мәліметінше, 2025 жылдың наурыз айында елде жұқпалы және паразиттік аурулардың, оның ішінде жіті респираторлық вирустық инфекциялардың (ЖРВИ) 38 мың жағдайы тіркелген. Аурудың құрылымында жіті респираторлық вирустық инфекциялар басым болды, бұл барлық жағдайлардың 79,5% құрады. Қызылша – 3,8%, жіті ішек инфекциясы – 4,3%, энтеробиоз – 2,5%, вирусты гепатит – 1,9%, аскаридоз – 1,7% болды. 2025 жылғы қаңтар-наурызда өткен жылдың сәйкес кезеңімен салыстырғанда 100 мың адамға шаққанда жіті ішек инфекциялары 47,9%-ға, жіті респираторлық вирустық инфекциялар 28,4%-ға, мерезбен ауыру 18,7%-ға, бруцеллезбен ауыру 4,5%-ға артты. Сонымен қатар, ағымдағы жылдың бірінші тоқсанында бірқатар аурулар бойынша эпидемиологиялық жағдай жақсарды: ботулизммен сырқаттанушылық 33,3%-ға, туберкулезбен ауыру 5,9%-ға, вирустық гепатитпен ауыру 7,1%-ға төмендеді.