Қырғызстан мұсылмандары басқармасы «Таба» жауапкершілігі шектеулі серіктестігінің қолдауымен қасиетті Мәдина қаласына 25 имамды қысқа мерзімді араб тілін үйрену курсына жібереді. Бұл туралы мүфтияттың баспасөз қызметі хабарлады.

Сапар барысында дін қайраткерлері арабша білімдерін жетілдіріп қана қоймай, Мәдинаның тарихи қасиетті жерлерін аралап, умра жасайды.

Қоштасу рәсімінде Қырғыз Республикасы Президентінің жанындағы Дін істері және этносаралық қатынастар ұлттық агенттігінің сараптама және діни ұйымдармен ынтымақтастық бөлімінің басшысы Айбек Иминов қатысушыларға оқу-жаттығулары сәтті өтіп, ақ жол тіледі. Мүфтият қызметкері Равшан ажы Ератов «Таба» серіктестігінің бас директоры доктор Абдул-Илах әл-Мушаррафқа ризашылығын білдіріп, имамдарды әр минутты тиімді пайдалануға шақырды.

Шара Қырғызстан Ислам университетінің мәжіліс залында өтті. Оған ҚМДБ проректоры Әбдіваси қожа Матраимов, араб тілі пәнінің ұстазы Әмин Фатхии, мүфтият өкілдері мен еліміздің 7 облысы мен 2 қаласынан тестілеу нәтижесі бойынша іріктелген имамдар қатысты. Олар жақын арада Мәдинаға ұшады.