2020-2024 жылдар аралығында Қытай мен Орталық Азия елдері арасындағы тауар айналымы үш есе дерлік өсіп, рекордтық 66,2 миллиард долларға жетіп, Пекиннің аймақтағы экономикалық ықпалын күшейтті. Еуразиялық даму банкінің мәліметінше, соңғы төрт жылда сауда көлемі 2,8 есе өсті. Бұл ретте тауар айналымының 60%-ға жуығын қытайлық тауарларды жеткізу құрайды, бұл Қытайдың пайдасына тұрақты теңгерімсіздікті көрсетеді.

Пекиннің ірі серіктестері:

Қазақстан— $30,1 млрд (жалпы көлемнің 46%);

 Өзбекстан— $18 млрд (27%);

Түрікменстан— $10,6 млрд (16%).

Қытайдың аймақтың жалпы сыртқы саудасындағы үлесі де 2020 жылы 17,7%-дан 2024 жылы 24,1%-ға дейін өсті. Бұл Орталық Азияның Қытай нарығына тәуелділігінің артып келе жатқанын дәлелдейді.

Тәуелділіктің ең жоғары деңгейі Түркіменстанда тіркелді, онда Қытай сыртқы сауда айналымының 55% құрайды. Одан кейін Қырғызстан (35%) және Тәжікстан келеді. Қазақстан мен Өзбекстанда қытайлық бағыттың үлесі шамамен 20-22% құрайды.

Экономистер өзара сауданың өсу тенденциясы жалғасып жатқанын, бірақ тауар айналымының құрылымы біржақты болып қалып отырғанын атап өтті: Орталық Азия негізінен Қытайдан импорттайды, ал экспорттық құрамдас бөлік шикізат пен жартылай фабрикаттармен шектеледі.