Жамбыл облысы, 6 мамыр 2025 жыл – Karavan Info ақпараттық агенттігі.Жамбыл облысы, Мойынқұм ауданында Қытай Халық Республикасынан келген турист түскі ас кезінде жеке құжаттарын жоғалтып алған оқиға орын алды. Аталған аумақта кезекшілік атқарған патрульдік полиция қызметкерлері шығынды тез анықтап, дереу иесін іздеуге кіріскен.

Полицейлер туристті қуып жетіп, оның жоғалған құжаттарын қайтарып берді. Оған қоса, көлікке толтырып, жолға шығарып салу, ақ жол тілеп, қосымша көмек көрсетті.

Шетелдік турист қазақстандық полиция қызметкерлеріне көрсеткен көмегі мен қамқорлығы үшін шын жүректен ризашылығын білдірді. Ол олардың кәсіпқойлығы мен адамгершілігін жоғары бағалады. Қытай азаматы алғысын білдірген видеоны әлеуметтік желіге жариялау арқылы ризашылық сезімін білдіріп, мұндай ілтипат өзіне ерекше әрі жағымды әсер қалдырғанын атап өтті.

Фото:Қазақстан Республикасы Ішкі істер министрлігі