Өзбекстан құрамасының бес боксшысы бүгінде Бангкок қаласында өтіп жатқан Thailand Open халықаралық турнирінде ширек финалдық кезеңнен сүрінбей өтіп, жартылай финалға шықты. 55 келі салмақта Фарозбек Думатов үндістандық Паван Бартвалды 5:0 есебімен ұтты. 48 келіге дейінгі салмақта Фарзона Фозилова индонезиялық Мерлин Томаталаны сенімді түрде жеңді. Жартылай финалға Феруза Казакова, Шодиорғон Меликузиев және Самандар Жалолов та өтті. Өзбекстан боксшыларының бірі Саят Ілиясов жарыстың келесі кезеңіне өте алмады.Ширек финалдық кездесулерге Өзбекстанның тағы алты өкілі қатысады:85 келіге дейін: Нусрат Тохиров Хусейн Ишайшпен (Иордания); 51 келіге дейін: Сабина Бобокулова Мун Га Ёнға (Оңтүстік Корея) қарсы рингке шығады; 70 келіге дейін: Ойша Тоирова Анастасия Черноколенкомен (Украина); 75 келіге дейін: Джавохир Абдурахимов Тимур Нұрсейітовпен (Қазақстан); 57 келіге дейін: Нигина Уктамова Ге Якимен (Қытай); 75 келіге дейін: Азиза Зокирова Жу Яшумен (Қытай) кездеседі. Еске салайық, Thailand Open турнирі боксшыларды ірі халықаралық жарыстар алдындағы дайындықтың маңызды кезеңі болып табылады.