Өзбекстан мен Венгрия экономиканың негізгі салаларындағы ынтымақтастықты жандандыруға ниетті. Өзбекстан Республикасы Инвестициялар, индустрия және сауда министрлігінің жұмыс тобы 7-8 мамырда Венгрияда болып, мемлекеттік органдар мен бизнес өкілдерімен кездесулер өткізді.

Сапар барысында сауда-экономикалық және инвестициялық әріптестікті нығайту, ынтымақтастықтың жаңа перспективалық бағыттарын анықтау және бұрын қол жеткізілген келісімдерді жүзеге асыру басты назарда болды.

Тараптар өнеркәсіп, энергетика, ауыл шаруашылығы, логистика және фармацевтика сияқты стратегиялық маңызды салаларда бірлескен жобаларды әзірлеуге келісті. Бiрлескен кәсiпорындарды дамытуға және өзбек жобаларына венгр инвестицияларын тартуға ерекше назар аударылды.

Сапар қорытындысы бойынша Өзбекстан мен Венгрия арасындағы стратегиялық серіктестікті одан әрі тереңдетуге бағытталған жаңа екіжақты келісімдерді дайындау және оларға қол қою үшін негіз қалыптастырылды. Бұл келісімдер екі ел арасындағы экономикалық ынтымақтастықты кеңейтуге және байланыстарды нығайтуға көмектеседі деп күтілуде.