Әзірбайжан мен Түркіменстанның Сыртқы істер министрлері Джейхун Байрамов пен Рашид Мередов телефон арқылы екіжақты ынтымақтастықты нығайтуды талқылады. Тараптар дәстүрлі достық пен бауырластық байланыстардың одан әрі дами беретініне сенім білдірді.

Министрлер мемлекет басшылары деңгейіндегі саяси диалогтың, тұрақты сапарлардың және ведомствоаралық консультациялардың маңыздылығын атап өтті. Сондай-ақ өңірлік қауіпсіздік, халықаралық ұйымдардағы және Каспий өңіріндегі ынтымақтастық мәселелері талқыланды.

Фото: Ашық дереккөздер