Бүгүн, 28-июлда Грециянын борбору Афина шаарында кадеттер (17 жашка чейинки) арасында күрөш боюнча дүйнө чемпионаты башталат.

Мелдештин биринчи күнүндө 48 кг, 55 кг, 65 кг, 80 кг жана 110 кг салмакта грек-рим күрөшү боюнча балбандар килемге чыгышат.

Бул турнирде Кыргызстандын намысын беш спортчу коргойт:

• Жанарбек Сейитов (48 кг),
• Альхам Абдирасулов (55 кг),
• Адилет Омурбеков (65 кг),
• Нурислам Өскөнбаев (80 кг),
• Умар Орманов (110 кг).

Мушташтар Бишкек убактысы боюнча саат 13:30да башталат.

Кайталоо жана финалдык беттештер эртең болот.